मन्दिर सरसफाई कार्यक्रम सम्पन्न
निर्मला मगर
नेपाल प्रहरी श्रीमती संघको ४० औं बार्षिक उत्सवको अवसरमा प्युठान नगरपालिका ०१ दाखाक्वाडी बेलुवामा रहेको बेलपत्रेश्वर महादेव मन्दिरको परिसरमा सरसफाई कार्यक्रम सम्पन्न गरिएको छ ।
नेपाल प्रहरी श्रीमती संघ लुम्विनी प्रदेशको आयोजना र जिल्ला प्रहरी कार्यालय प्युठानको सहकार्यमा सचालन गरिएको कार्यक्रममा इलाका प्रहरी कार्यलय बिजुवार प्युठानका प्रमुख प्रहरी निरीक्षक चुडामणी पुन, नेपाल प्रहरी श्रीमती संघ लुम्बिनी प्रदेशकी सदस्य तुल्सा धामी, जिल्ला प्रहरी कार्यालय प्युठानका प्रमुख प्रहरी नायव उपरीक्षक ईश्वर थापा लगायत प्रहरी कर्मचारी र स्थानियबासीहरुको सहभागितामा सरसफाइ गरिएको थापाले बताउनुभयो ।
वार्षिक उत्सवको अबसरमा नेपाल प्रहरी श्रीमति संघ लुम्बिनी प्रदेशकी सदस्य तुल्सा धामीले मन्दिर परिसरको वरिपरी सरसफाइ गर्न पाउँदा खुसी हुदै सरसफाइ कार्यक्रम लाई सफल बनाउन सहजीकरण गराइदिने जिल्ला प्रहरी कार्यालय प्युठान र सहयोग गर्नुहुने स्थानियबासीहरुलाइ धन्यवाद व्यक्त गर्नु भएको छ ।साथै यस कार्यक्रमले समाजमा आफ्नो ब्यक्तिगत सरसफाइ मात्र नभई सार्वजनिक स्थलहरुको पनि सबै मिलेर सरसफाइ गर्नुपर्छ भन्ने सन्देश दिनेछ भन्ने उद्देश्यले सरसफाई कार्यक्रम आयोजना गरिएको जिल्ला प्रहरी कार्यालय प्युठानका प्रहरी नायव उपरीक्षक थापाले संघर्ष मिडियालाई बताउनुभयो ।