प्यूठान – काठमाडौं यातायात सेवा सुचारु
प्युठान, असोज १९
केही दिनअघि अवरुद्ध भएको नारायणघाट–मुग्लिन हुँदै काठमाडौं जाने सडक आजदेखि पुनः सुचारु भएको छ।
यससँगै रोकिएका प्युठान–काठमाडौं आवागमनका स्वर्गद्वारी गौमुखि यातायात प्रालिका दिवा र रात्रि बस सेवा भोलि असोज २० गते (२०८२/०६/२०) देखि नियमित सञ्चालनमा आउने भएको कम्पनीले जानकारी दिएको छ।
कम्पनीका अनुसार असोज १८ र १९ गतेका लागि टिकट काटेका यात्रुहरूलाई २० गते बिहान दुईवटा एसी हायसमार्फत काठमाडौं पठाइनेछ।
त्यस्तै, रात्री सेवाका टिकट लिएका यात्रुहरू पनि सोही टिकट नम्बर र बस नम्बर अनुसार यात्रा गर्न सक्ने बताइएको छ।
असोज २० र २१ गते टिकट लिएका यात्रुहरूले २१ गते सोही सिट र बस नम्बरमा यात्रा गर्न सक्नेछन्। थप जानकारीका लागि ९७०४०२०००२ देखि ९७०४०२००५२ नम्बरमा सम्पर्क गर्न अनुरोध गरिएको छ।
स्वर्गद्वारी गौमुखि यातायात सेवा प्रालि परिवार, प्युठानले सबै यात्रुलाई सुरक्षित यात्राको शुभकामना दिएको छ।