प्युठानमा अन्तर क्याम्पस स्तरीय वक्तृत्वकला प्रतियोगिता सम्पन्न

२०८१ जेठ १३ गते

सामाजिक विकास डिभिजन कार्यालय र साहित्य परिषद प्युठानको सयुक्त आयोजनामा लागुऔषध दुव्र्यसन नियन्त्रणमा युवाहरुको भूमिका बिषयक अन्तर क्याम्पस स्तरीय वक्तृत्वकला प्रतियोगिता कार्यक्रम प्युठान स्वर्गद्धारी बहुमुखी क्याम्पसमा सम्पन्न भएको छ ।

वक्तृत्वकला प्रतियोगितामा जम्मा ९१जना सहभागीहरु मध्ये ९ जना सहभागीहरुले भाग लिएका थिए । जसमा प्रथम स्थानमा झिमरुक बहुमुखी क्याम्पसका  रञ्जना पोख्रेल, द्धित्तिय स्थानमा गौमुखी क्याम्पसका रबिना बि.कं., तृतीय स्थानमा स्वर्गद्धारी बहुमुखी क्याम्पसका केशर सुनार र सान्त्वना स्वर्गद्धारी बहुमुखी क्याम्पसकै प्राथना बि.कं. रहेका छन् । बिजेता भएका प्रतिस्पर्धीहरुलाई नगद पुरस्कार र प्रमाणपत्र प्रदान गरिएको थियो ।

उक्त कार्यक्रमको अध्यक्षता सामाजिक विकास डिभिजन कार्यालय प्रमुख पुण्य प्रसाद न्यौपानेले गर्नुभएको थियो भने प्रमुख अतिथी प्रमुख जिल्ला अधिकारी नारायण प्रसाद अर्याल हुनुहुन्थ्यो ।