दाङदेखि काठमाडौं जाँदै गरेकाे बस धादिङमा दुर्घटना२६ जना घाईते।

दाङको तुलसीपुरबाट काठमाडौँतर्फ जादै गरेको यात्रबाहक बस धादिङमा दुर्घटनामा हुदा २६ यात्रु घाइते भएका छन् भने तीनको अवस्था गम्भीर रहेको छ । पृथ्वी राजमार्गअन्तर्गत धादिङको बेनिघाट रोराङ गाउँपालिका–९ हुग्दीखोला नजिक बाग्मती प्रदेश ०३-००१ ख २६७५ नम्बरको बस आज बिहान अनियन्त्रित भई सडकको दाहिने किनारातर्फ पल्टिएको हो।

बिहान करिब ५ बजे भएको दुर्घटनामा परी घाइते भएका पाँच जनालाई उपचारका लागि काठमाडौँ पठाइएको जिल्ला प्रहरी कार्यालय धादिङका प्रहरी नायब उपरीक्षक सन्तुलालप्रसाद जैसवारले जानकारी दिए। अन्य घाइतेको मलेखुस्थित राजमार्ग अस्पताल र नजिकका स्वास्थ्य संस्थामा उपचार भइरहेको छ ।