स्वमुल्यांकनमा जिल्लाकाे दाेस्राे स्थानमा झिमरुक गाउँपालिका

प्युठान  जिल्लाको झिमरुक गाउँपालिका कार्य सम्पादनमा जिल्लाकै उत्कृष्ट दाेस्राे गाउँपालिका भएको छ । जिल्लाका नौ वटा स्थानीय तह मध्ये झिमरुकले स्थानीय तह संस्थागत क्षमता स्वमुल्यांकन (लिजा) मा गत आर्थिक वर्ष २०७९/ ०८० को लिजाको नतिजामा  झिमरुकले ८० प्रतिशत अंक प्राप्त गरेको छ ।
सबै भन्दा धेरै अंक प्राप्त गर्ने नाैबहिनी गाउपालिकाे ९१ सरुमारानी गाउँपालिकाले ७९, माण्डवी गाउँपालिकाले ७८.५, स्वर्गद्धारी नगरपालिकाले ७७.७५ अंक प्राप्त गरेका छन् । त्यस्तै मल्लरानी गाउँपालिकाले ७५, प्यूठान नगरपालिकाले ७४.५, ऐरावती गाउँपालिकाले ६८.५ र गौमुखी गाउँपालिकाले ६८.२५ अंक प्राप्त गरेका छन् ।
स्थानीय तहलाई सक्षम र प्रभावकारी बनाउनका लागि विभिन्न सूचकहरुको आधारमा गरिने स्वमूल्यांकन हो ।
स्थानीय तह संस्थागत क्षमता स्वमुल्यांकनमा पालिकाहरुले विभिन्न १० सूचकहरुको स्वमुल्यांकन गर्ने गर्दछन् । ती सूचकहरुमा शासकीय प्रवन्ध, संगठन तथा प्रशासन, वार्षिक बजेट तथा योजना व्यवस्थापन, वित्तिय एवं आर्थिक व्यवस्थापन, सेवा प्रवाह, न्यायिक कार्य सम्पादन, भौतिक पुर्वाधार, सामाजिक समावेशिकरण, वातावरण संरक्षण तथा विपद व्यवस्थापन हुन।